Congreso di Famia

DAS ta organisa Congreso di Famia ‘Construyendo un Fundeshi Solido!’

E congreso di Famia lo tuma luga diadomingo 22 di september 2019 for di 4’or di atardi te cu 8’or di anochi na RIU Palace Antillas (ex Westin) y entrada ta completamente gratis. E congreso ta pa adulto 18+. E meta tras di e congreso di famia aki ta pa duna tur esunnan interesa informacion riba varios topico relaciona cu famia.

PROGRAMA

Durante e congreso di famia bou guia di e maestro di ceremonia Jean Carlo Espinal, e profesionalnan lo papia di diferente topico relaciona cu famia.


E programa ta encera:

  • Palabra di bonbini di un representante di Gobierno
  • presentacion di Ramon Todd Dandaré cu e topico “famia di antes y awo”
  • charla di Enid de Kort, terapista di famia y pareha na Departamento di Asunto Social, tocante e “11 tipo di famia y nan retonan”. Enid de Kort lo enfoca riba e “famia mixto” y “relacion entre pareha”
  • presentacion di Helen Guda di “Develop To Grow” kende lo haci un presentacion tocante “lantamento di mucha den e tempo di awe”
  • Presentacion di Bianca Brown kende ta un profesional riba e tereno di adiccion cu experiencia na Hulanda y na Aruba. Bianca Brown lo papia tocante “malesa den famia” cu enfoke riba “adiccion den famia”
  • E ultimo orador ta Francis Groeneveldt di “Lead2success” kende lo haci un presentacion tocante “finansas den famia”

REGISTRACION

Pa participa na e Congreso di Famia dia 22 di september proximo mester registra prome. E registracion ta uno digital y hopi facil. Riba e pagina di Facebook di Departamento di Asunto Social tin un post cu e flyer promocional y den e post un link pa registra, of por registra tambe door di yena e formulario riba e siguiente link:

https://www.das.aw/registra

Persona cu no ta dispone di un ‘smartphone’ of computer por registra telefonicamente na 528-1153 cerca Jesseline Soto Garcia-Kelly.

Departamento di Asunto Social ta invita henter comunidad di Aruba pa e Congreso di Famia ‘Construyendo un Fundeshi Solido’ diadomingo 22 di september proximo.

Scroll To Top
Privacy Policy | Disclaimer | By orbitalnets